Pronađen trinaestogodišnjak iz Zagreba

- Obavještavamo vas da je maloljetnik rođen 2010. godine koji se tokom jučerašnjeg dana udaljio s područja Laništa pronađen. Ujedno koristimo prilikuda se zahvalimo na angažmanu medija i građana koji su, ne samo u ovoj nego i u sličnim situacijama, odreagovali društveno odgovorno i pokazali svoju senzibilnost prema najranjivijim društvenim grupama”, naveli su iz hrvatske policije - prenosi N1 Zagreb.

Dječak I. L. poslednji put je viđen juče kada se udaljio u nepoznatom pravcu iz Ulice Lanište u Zagrebu.

Policija je zbog nestanka tinejdžera aktivirala i tzv. NENO alarm.

NENO je skraćenica za Nacionalnu evidenciju nestalih osoba, a alarm se građanima aktivira putem društvenih mreža.

Hrvatska policija je sistem NENO alarm pustila u funkciju krajem 2022. godine, a riječ je o hrvatskoj verziji onog što je u SAD-u poznato kao „Amber Alert“.

Ako dijete nestane, Ministarstvo unutrašnjih poslova obavještava kompaniju Meta, koja zatim aktivira upozorenje odnosno NENO Alarm korisnicima društvenih mreža Fejsbuk i Instagram i to u krugu od 160 kilometara od mjesta u kojem je dijete posljednji put viđeno.

Nestalo još jedno dijete: Hrvati aktivirali “Neno” alarm