Makron: Venecuela oslobođena Madurove diktature

- Narod Venecuele je danas oslobođen diktature Nikolasa Madura i može samo da se raduje. Preuzimajući vlast i gazeći osnovne slobode, Nikolas Maduro je teško narušio dostojanstvo sopstvenog naroda - naveo je Makron.

On je istakao da je ključno da period koji slijedi protekne bez nasilja i uz puno poštovanje volje građana.

- Predstojeća tranzicija mora biti mirna, demokratska i u skladu s voljom naroda Venecuele. Želimo da predsjednik Edmundo Gonzales Urrutia, izabran 2024. godine, što prije obezbijedi ovu tranziciju - poručio je francuski predsjednik.

Makron je dodao da je u stalnoj komunikaciji s partnerima u regionu i naglasio da je Francuska „u potpunosti mobilisana i oprezna, posebno kada je riječ o zaštiti svojih državljana u ovim neizvjesnim vremenima“.