Na koji način roditelji mogu sebi i djeci da olakšaju početak školske godine

I djeca i roditelji mogu da budu iscrpljeni zbog svega toga i zato već sada možete uvesti neke promjene u njihovu rutinu da bi sve bilo manje stresno.

Profesionalna klinička savetnica, Klaudia Skoron, za Psychology Today izdvojila je nekoliko najboljih načina kako roditelji mogu olakšati djeci, ali i sebi, početak nove školske godine.

Kako roditelji mogu olakšati djeci?

Skoron je izdvojila nekoliko savjeta koje roditelji mogu primeniti kako bi im početak nove školske godine bio što lakši i bez puno stresa.

Njene metode uključuju ostavljanje mogućnosti da djeca odaberu nešto sama za sebe, organizovanost i slično.

Evo šta je sve izdvojila:

– Započnite rutinu ciklusa spavanja i buđenja koja oponaša školsku rutinu, najmanje nedelju dana prije početka škole.

– Pohvalite pozitivno ponašanje pri povratku u školu, ali takođe potvrdite brige vašeg djeteta.

– Razgovarajte o prelazu s ljetnjeg raspusta na početak škole i što možete očekivati u tom razdoblju.

– Dopustite djetetu izbor da samo odabere školske materijale, odjeću za prvi dan i slično.

– Podstaknite ih da budu organizovani. Neka školsku godinu započnu čistom i urednom spavaćom sobom, organizacijom školske torbe i radnog stola, te neka naprave neke pripreme na računaru.

– Umjesto postavljanja otvorenih pitanja poput: „Kako je danas bilo u školi?“, postavite im pitanja poput: „Koju si jednu stvar danas naučio/la?“ ili „S kojim si drugom iz razreda danas najviše razgovarao/la?“.

Dva načina kako roditelji mogu ovo razdoblje olakšati sebi

Kako objašnjava savjetnica, „roditeljima apsolutno treba odušak za vlastite brige, ali to treba da učine daleko od djeteta.“

Takođe, možda je još izazovnije smanjiti pretjerano generaliziranje i anticipatornu anksioznost.

- Pretjerano generalizovanje je kognitivno iskrivljenje koje navodi na vjerovanje da će se, samo zato što se nešto dogodilo jednom ili nekoliko puta, nastaviti događati na isti način. Tu je i anticipacipatorna anksioznost koja tjera pojedinca da brine o nečemu što će se dogoditi u budućnosti, a što možda nije relevantno danas ili u ovom trenutku“.

Savjetnica smatra kako je važno da roditelji nauče „da upravljaju pretjeranim generalizovanjem i dopuste da svaka nova školska godina bude vlastiti događaj umjesto da razmišljaju o prošlim iskustvima“.

Iako je korisno procijeniti šta je prošle godine funkcionisalo, a šta nije, važno je ne pretpostavljati da se loše situacije nužno neće dogoditi u budućnosti, piše Index.hr.

- To nam omogućuje da budemo svjesniji i fokusiraniji na sadašnjost. Ne negiramo svoje brige, već ih jednostavno ostavljamo po strani i ‘pokupimo’ kada su važnije - zaključuje Skoron.