Kilogram jagoda od četiri do pet eura

Trešnje i dalje drže cijenu pa je kilogram ovog voća potrebno platiti šrst eura, dok su višnje dva eura jeftinije. Banane prodavci nude od 1,30 do 1,80, dok su jabuke od dva do 2,50 eura. Kivi se mogao kupiti za 3,50, a kruške za četiri eura. Tri eura potrebno je izdvojiti za limun, dok su pomorandže 50 centi jeftinije.

Od povrća najviše se kupuje mladi krompir koji košta 1,50 eura po kilogramu, dok je stari 50 centi jeftiniji. Paradajz nude za 2,50, a krastavac od dva do 2,50 eura. Paprike su u zavisnosti od sorte od dva do 2,50, dok je vrni luk od 1,50 do dva eura. Tikvice su se juče mogle kupiti za dva eura, dok je boranija od četiri do pet eura po kilogramu. Pori luk košta 1,50, a bijeli kupus euro. Blitva je 1,50, salata 3,50, raštan 2,50, a mladi luk tri eura.

Na sektoru mliječnih proizvoda mladi polumasni sir mogao se kupiti za 3,90 eura po kilogramu, dok je stari sir deset eura, a mladi 6,50 eura. Lisnati kolašinski sir juče je koštao 12 eura. Za mladi kajmak potrebno je izdvojiti 14,90, a za mladi koziji sir 15 eura.

Kisjelo mlijeko košta 1,10, a jaja su od 20 do 25 centi.