Nagelsman: Zaslužili smo bod, Filkrug jako bitan igrač za nas

Niklas Filkrug u nadoknadi vremena pogodio za 1:1 i tako „pancerima“ obezbijedio prvo mjesto u grupi uoči starta nokaut faze. Stoga i ne čudi zadovoljstvo u taboru domaćina šampionata.

-Na kraju je ovo zaista  zaslužen bod. Naravno, kada preuzmeš rizik, onda se može dogoditi i da primiš gol iz kontranapada. Ali, vratili smo se i prema prikazanom zaslužili da izjednačimo. Švajcarska je bila odličan suparnik, a utakmica je bila uzbudljiva – rekao je Julian Nagelsman, selektor Njemačke.

Strateg „pancera“ je potom još jednom ponovio koliko je Niklas Filkrug bitan igrač za njegovu ekipu.

-Filkrrug je opet postigao dobar gol. On nam je jako važan i srećni smo što imamo takvog igrača kojeg možemo uvesti sa klupe. Mislim da je jako važno je imati takve igrače koji kao zamjene mogu da postiži odlučujuće golove – dodao je Nagelsman.