Votkins prije meča rekao Palmeru: Mi ulazimo danas, a ti mi namještaš

Slavili su igrači „gordog albiona“ u polufinalu protiv Holandije sa 2:1, a junak meča bio je Oli Votkins. Napadač Aston Vile je na teren ušao u 81. minutu umjesto Harija Kejna, a desetak minuta kasnije je golom svojoj reprezentaciji donio trijumf.

Nakon susreta na “Vestfalenu”, Votkins je rekao je da je tačno predvidio ishod meča.

- Kunem se svojim životom, kunem se životom svoje dece. Rekao sam Kolu Palmeru: „Mi ulazimo danas, a ti mi namještaš“ i bio sam tako srećan kada mi je dodao. Znao sam čim je dobio loptu, da će mi dodati, a ti moraš da budeš pohlepan, dodirneš i završiš. Vidjeti je kako ide u donji ugao, to je najbolji osjećaj ikada – istakao je Votkins nakon meča.

Ovo je tek drugi nastup Votkinsa na EP, prije toga je odigrao 22 minuta protiv Danske.

-Čekao sam ovaj trenutak. Bilo je potrebno mnogo napornog rada da bih došao tamo gdje jesam. Zahvalan sam na prilici koja mi je pružena i zgrabio sam je sa obje ruke, oduševljen sam. Istina, bilo je dosta kritika na račun naših partija. Ali, na kraju dana, mi smo u finalu i samo to je važno – poručio je napadač Aston Vile.