AEK nakon preokreta slavio u Samsunu, Fiorentina bolja od Dinama iz Kijeva

Fudbaleri AEK-a iz Atine pobijedili su kao gosti Samnsunspor sa 2:1, u meču 5. kola Lige konferencija

Ekipa Marka Nikolića je do trijumfa došla nakon preokreta. Domaćin je već u četvrtom minutu poveo autogolom Mukudija, a nakon sedam minuta igre u nastavku meča AEK je izjednačio. Razvan Marin je iz slobodnog udarca savladao golmana Kočuka za 1:1 na semaforu. Potpuni preokreta potpisao je Abubakar Koita u 64. minutu.

Važnu pobjedu ostvarila je Fiorentina, koja je kao domaćin savladala ekipu Dinama iz Kijeva. Pogotke za “ljubičaste” dali su Kin i Gudmundson, strijelac za Ukrajince bio je Mikhajlenko.