Arsenal nemilosrdan prema Lovćenu, Tivćani ostali u eliti

Tivćani su u revanšu baraža za popunu najelitnijeg klupskog društva Crne Gore deklasirali Lovćen, pobijedili sus a 4:0 i na kraju potpuno zasluženo ostali dio prvoligaškog karavana. Podsjećamo, prvi meč između ove dvije ekipe, odigran prije nekoliko dana na “DG areni” završen je bez golova.

Današnji meč u Tivtu golom je u 27. minutu otvorio Neđeljko Kovinić, a isti igrač je sedam minuta kasnije duplirao prednost. Do odlaska na odmor mreža Cetinjana se tresla još jednom, a strijelac je u 39. minutu bio Hulijan Montenegro. U nastavku susreta Arsenal je postigao još jedan pogodak, a strijelac sa bijele tačke bio je kapiten Ćetko Manojlović u 76. minutu.