Benzema u maju završava karijeru

Iako ima ugovor sa Al Itihadom još godinu dana nakon toga, Francuz je odlučio da prestane sa aktivnim igranjem. Nakon povlačenja on će se vratiti u Real Madrid, sa kojim je već dogovorio povratak na mjesto ambasadora.

-Tridesetšestogodišnji Benzema razmišlja o penzionisanju i nije isključio da se povuče 2025. godine, na kraju tekuće sezone. Još nije donio konačnu odluku, ali prepoznaje simptome koji ga teraju na to. Sa svojom listom dostignuća koja je već puna i nakon sezone i po u Al Itihadu, počinje da se umara od svakodnevnih rutina, poput treninga, koji se u Saudijskoj Arabiji održava popodne zbog visoke jutarnje temperature - piše „Relevo“.