Bez pobjednika u duelu Bolonje i Juventusa

Duel Bolonje i Juventusa, u okviru 32. kola Serije A završen je bez pobjednika – 1:1.

Bolonja je povela već u 10. minutu. Rikardo Orsolini je srušen u kaznenom prostoru, nakon čega je dosuđen jedanaesterac. Upravo je Orsolini preuzeo odgovornost i nasjtrožu kaznu pretvorio u gol. Dvadesetak minuta kasnije dosuđen je i penal za Juventus, međutim, Arkadijuš Milik nije uspio da ga pretvori u pogodak.  Ipak, poljski reprezentativac se ispravio u 61. minutu – sedmim golom u ovoj sezoni donio je bod svome timu.

Nakon vog kola, Juventus je ostao na trećem mjestu sa 60 bodova i ima bod manje od Lacija koji je drugi.