Bolonja se ne šali, savladana i Fiorentina

U zaostaloj utakmici 21. kola Serije A, Bolonja je kao domaćin pobijedila Fiorentinu sa 2:0. Bolonja je tako nastavila je da pruža sjajne partije i sada se izjednačila sa Atalantom na četvrtom mjestu na tabeli. S druge strane, „ljubičasti” su na sedmoj poziciji sa 37 bodova.

Tim Tijago Mote je poveo u 12. minutu. Orsalini je iskorsitio asistenciju Fergusona i matirao protivničkog golmana za 1:0. Krenuli su gosti iz Firence u finišu meča na sve ili ništa, nisu uspjeli da pronađu put do mreže, a domaćin je čekao priliku da iz kontanapda ovjeri pobjedu. To se i desilo u petom minutu nadoknade vremena. Likojanis je asistirao za Edgarda, koji je matirao Teraćana za konačnih 2:0.