De Zerbi, Markez i Lopetegi kandidati za novog trenera Barselone

Samo dan nakon što je Jirgen Klop najavio odlazak iz Liverpula na kraju sezone, navijače Barselone je šokirala ista najava njihovog trenera Ćavija Ernandeza.

Nakon utakmice sa Viljarealom, koju je Barselona izgubila (3:5), Ćavi je najavio da nakon 30. juna više neće voditi ekipu.

Već su počela nagađanja ko će biti Ćavijev nasljednik u Kataloniji.

Prema svjetskim kladionicama, prvi favorit za upražnjeno mjesto je Roberto de Zerbi.

Trenutno je menadžer Brajtona i prima samo komplimente za svoj rad, a u Engleskoj ga se pominje kao jednog od kandidata za nasljednika Klopa.

Drugi kandidat je Rafael Markez, trener B tima Barselone, a treći je Đulen Lopetegi.