Đurašković: Sitnice su odlučile pobjednika

Barani su na stadionu kraj Bistrice poraženi od Dečić AdmiralBeta sa 0:1 i samim tim ostali bez drugog uzastopnog učešća na međunarodnoj sceni. Šef stručnog štaba Mornara, Zoran Đurašković, kazao je nakon susreta za RTCG da su detalji odlučili pobjednika.

-Sitnice su odlučile utakmicu, njima je pripalo prvo poluvrijeme, nakon naše greške smo primili i gol. Imali smo i svoje prilike, nismo uspjeli da dođemo do gola. U drugom poluvremenu je dogovor bio da ih pritisnemo, tako je i bilo, ali nismo uspjeli da izjednačimo. Čestitam ekipi Dečića na osvojenom trofeju – rekao je Đurašković.