FK Berane u velikom problemu: Nakon stručnog štaba otišao i Admir Adrović

Dok ekipa na terenu pruža sjajne partije i nalazi se na čelu drugoligaškog karavana, u klubu pljušte ostavke. Nakon što se najprije povukao šef stručnog štaba Boban Aković, klupu Berana napustili su njegovi pomoćnici Marko Lalević i Zoran Aković. A najnovija vijest koja je stigla danas iz Berana je da ostavku podnio i sportski direktor Admir Adrović.

Adrović je za „Dan“ rekao da je klub napustio zbog nepoštovanja uprave kluba prema dogovoru koji su imali na samom startu.

-Čelni ljudi u upravi ili neće ili ne znaju ili imaju neke svoj političke razloge da ne poštuju dogovore, ali i ne ispunjavaju svoje obaveze kako smo se dogovorili – rekao je Adrović i  poručio da klubu, igračima i iskrenim navijačima želi da se što prije vrate u Prvu ligu.