Jezero protiv Dečića cilja pobjedu

Ovu sezonu Plavljani su dobro počeli tako da se nadaju da protiv tima iz Tuzi, mogu nastaviti na isti način i obradovati svoje vjerne navijače.

-Znamo da nas čeka izuzetno težak posao. Igramo sa Dečićem ekipom koja je jedna od najboljih u ligi. Pravi su spoj mladosti i iskustva i sigurno da nam neće biti nimalo lako.Tuzani dijele prvo mjesto sa Sutjeskom sa deset osvojenih bodova, što dovoljno govori o njihovoj snazi i kvalitetu - kaže mladi lijevi bek Meldin Kojić.

Kojić je dodao da se u pauzi  radilo dobro i da su igrači davali maksimum, kako bi što spremnije dočekali Tuzane.

-Nikome ne prijetimo ali protiv svake ekipe idemo na pobjedu. Tako ćemo igrati i protiv Dečića, očekujemo da uz podršku naših vjernih navijača možemo doći do pobjede - zaključio je Kojić.