Kavaja: Zasluženo smo osvojili trofej

Tim selektora Radovana Kavaje je u finalu pobijedio domaćina Srbiju sa 2:1, nakon još jedne dobre partije. Strateg “crvenih” nakon meča nije krio zadovoljstvo zbog pobjede i partije koje su pružili njegovi izabranici.

- Prije svega, čestitke stručnom štabu i igračima jer smo veoma dobro i takmičarski odigrali finalnu utakmicu. U prvom poluvremenu bili smo sigurni u odbrani, kreativni na sredini i produktivni u napadu. Rano primljeni gol u drugom poluvremenu i nedostatak snage su nas natjerali da igramo u grču, kada smo i napravili par grešaka. Međutim, zadržali smo i koncentraciju i mirnoću da privedemo utakmicu do kraja i pobjedom osvojimo ovaj kvalitetan turnir - istakao je selektor Radovan Kavaja.