Konačno svanulo i Totenhemu, Liverpul nadigrao Kristal Palas

Napokon pobjeda Totenhema, prva u 2026. godini, izvojevana teškom mukom protiv otpisanog Vulverhemptona u 34. kolu Premijer lige na "Molinjou" (0:1). 

Tri boda Totenhemu nakon 15 ligaških mečeva bez trijumfa donio je rezervista Paljinja, koji je nakon udarca Rišarlisona bio na pravom mjestu i sproveo loptu u mrežu. U nadoknadi je golman Kinski odličnom intervencijom spriječio izjednačenje nakon "slobodnjaka" Gomesa. 

Radovao se tako Totenhem i menadžer De Zerbi prvoj pobjedi na klupi, ali londonski velikan ostao je u zoni ispadanja sa dva boda manje od Vest Hema, koji je na Olimpijskom stadionu savladao Everton (2:1). Kalum Vilson u trećem minutu nadoknade donio je slavlje "čekićarima". 

Liverpul je na "Enfildu" uzeo mjeru Kristal Palasu (3:1) i na četvrtom mjestu bodovno se izjednačio sa Aston Vilom, koju je srušio Fulam na "Krejven kotidžu" (1:0). 

Rezultati 34. kola (danas): Fulam - Aston Vila 1:0 (1:0) (Sesenjon 43),  Liverpul - Kristal Palas 2:1 (2:0) (Isak 35, Robertson 40, Virc 90+6 - Munjoz 71), Vest Hem - Everton 2:1 (0:0) (Souček 52, Vilson 90+3 - Djuzberi Hol 88),  Vulverhempton - Totenhem 0:1 (0:0) (Paljinja 82). Arsenal - Njukasl (18.30).