Konseisao srušio šampiona

Derbi Italije pripao je Juventusu, koji je golom Fransiska Konseisaa u 74. minutu srušio Inter (1:0) i došao na diobu četvrte pozicije sa Lacijom.

Juve je slavio veliku pobjedu, nakon što je preživio prvo poluvrijeme u kojem je Inter bio bolji i imao nekoliko prilika.

U nastavku se, međutim, slika potpuno promijenijla, tim Tijaga Mote je diktirao ritam, nadigrao šampiona i stigao do zasluženog trijumfa.

Randal Kolo Muani večeras nije zatresao mrežu, ali je sjajnom asistencijom Konseisau pokazao da je njegovim angažovanjem u zimskom prelaznom roku Juventus napravio pun pogodak, pa je Dušan Vlahović ponovo ostao na klupi.

Inter je ostao na drugom mjestu sa dva boda manje od Napolija, pa se šampionska trka u Seriji A nastavlja.