Lacio slavio u Bergamu i produbio krizu Atalante

Krizu Atalante produbio je Lacio i nanio joj treći uzastopni poraz, ali i ostvario veliku pobjedu kojom je ostao u trci za plasman u Ligu šampiona.

Junak "nebeskoplavih" bio je "rezervista" Gustav Isaksen, koji je u 54. minutu matirao Karnezekija.

Nakon toga Atalanta je pokušavala da stigne makar do boda, ali nije imala rješenja i prave ideje u napadu. Ono što je za brigu Đan pjera Gasperinija je podatak da je ovo već četvrta utakmica u nizu u Bergamu na kojoj njegova ekipa nije uspjela da pronađe put do mreže, pa je dovela u pitanje i plasman u Ligu šampiona, a nakon 31. kola mogla bi da se nađe ispod crte ukoliko bi Juventus i Bolonja upisali trijumfe.

U preostala tri meča nije bilo pobjednika - bodove su podijelili Leće i Venecija, Torino i Verona, te Empoli i Kaljari.

Rezultati 31. kola (danas): Leće - Venecija 1:1 (0:0) (Baskiroto 65 - Galo 50 a.g.), Empoli - Kaljari 0:0, Torino - Verona 1:1 (0:0) (Elmas 67 - Sar 64), Atalanta - Lacio 0:1 (0:0) (Isaksen 54), Roma - Juventus (20.45).