Martin preuzima Sautempton

Rasel Martin, menadžer drugoligaša Svonsija, karijeru će nastaviti u Sautemptonu.

"Sveci" su posljednji na tabeli Premijer lige, a od iduće sezone takmičiće se u Čempionšipu.

Kako prenosi BBC, pregovori sa Martinom su pri kraju i Sautempton sa njim želi hitan povratak u elitu.

Sautempton je ove sezone promijenio tri menadžera.

Sezonu je počeo iskusni Austrijanac Ralf Hasenhitel, u novembru ga je zamijenio Velšanin Nejtan Džon, a od februara ekipu vodi Španac Ruben Seles.

Martin je bivši kapiten Norviča i bivši škotski reprezentativac.

Ima tek 37 godina, a do sada je osim Svonsija trenirao i Milton Kejns Dons.

Ove sezone sa Svonsijem je zauzeo 10. mjesto u Čempionšipu.