Mektominej matirao Moncu, minimalac i Rome

Napoli je teškom mukom slavio na gostovanju u Monci golom Skota Mektomineja u 72. minutu (1:0) i izjednačio se na vrhu sa Interom, koji sjutra igra derbi 33. runde protiv Bolonje u gostima.

Tim Antonija Kontea kao i mnogo puta ove godine slavio je na mišiće, a ulogu junaka imao je ponovo škotski reprezentativac koji je u prošlom kolu bio dvostruki strijelac protiv Empolija i jedan je od glavnih aduta u borbi za titulu sa "neroazurima". 

Minimalnu pobjedu ostvarila je i Roma, koja je golom Šomorudova u četvrtom minutu savladala Veronu na "Olimpiku", vratila se na trijumfalni put i na samo je dva boda od četvrte pozicije koja vodi u Ligu šampiona, 

Rezultati 33. kola Serije A (danas): Leće - Komo 0:3 (0:1) (Dijao 33, 90+3, Goldaniga 84), Monca - Napoli 0:1 (0:0) (Mektominej 73), Roma - Verona 1:0 (1:0) (Šomurodov 4)