Nula Porta i Palmeirasa, Botafogo bolji od Sijetla

U grupi A odigran je duel između Porta i Palmeirasa, koji je okončan bez golova. Bio je ovo još jedan meč koji je pokazao da ovaj turnir i ovakve utakmice zaista nikome nisu potrebne. Palmeiras je za nijansu bio bolji, ali je odlično branio Ramos, rezervni golman Porta, koji je u tri navrata u jednoj akciji sprečio Brazilce da stignu do vođstva i pobjede. Ovo je inače drugi meč A grupe u kome nije bilo golova, na startu šampionata Majami i Al Ahli su takođe odigrali 0:0.

Trijumf je ostvario Botafogo, koji je savladao domaći Sijetl sa 2:1. Žair Kunja i Igor Žesus su bili strijelci za „Fogao“ u prvom poluvremenu, a Amerikanci su u nastavku preko bivšeg reprezentativca Roldana uspjeli da ublaže poraz.