Osmajić: Težak poraz

Povratak u nacionalni tim, nakon nekoliko mečeva odsustva, Milutin Osmajić neće pamtiti po lijepom. Četiri lopte završile su u mreži Igora Nikića, a sreća da raspoleženi Farani nisu postigli još neki pogodak. Osmajić je u uvdnom dijelu susreta, kod rezultata 0:0, imao jedan pokušaj, nije bio uspješan, a onda se i on uklopio u sivilo cijele ekipe.

-Težak poraz, mislim da svi moramo bolje i brže da igramo. Farani su iskoristili prilike, kod nas je puno novih igrača, novi je selektor. Nije nam milo što je selektor ovako debitovao. Moramo detaljno da analiziramo ovaj meč i ispravimo greške – istakao je Osmajić.