Otpisani Vulverhempton srušio Liverpul

Nema u Premijer ligi unaprijed dobijenih utakmica - uvjerio se u to i aktuelni šampion Liverpul koji je pao na "Molinjou". Otpisani Vulverhempton je nakon Aston Vile srušio i "redse" (2:1) za drugu vezanu pobjedu, a ukupno treću u sezoni.

Na taj način "vukovi" su zakomplikovali Liverpulu borbu za Ligu šampiona. Strijelci za Vulverhemton bili su Rodrigo Gomeš u 78. i Andre u četvrtom minutu nadoknade, dok je gol za Liverpul postigao Mohamed Salah u 83. minutu.

U preostala tri susreta 29. runde, Everton je nadigrao Barnli i vezao drugu pobjedu (2:0), Sanderlend je u gostima bio bolji od Lidsa (0:1), dok su Bornmut i Brentford remizirali bez golova (0:0).