Pionirke bolje od Bosne i Hercegovine

Nakon dobre igre tokom cijelog meča, ekipa selektora Mirka Marića slavila je rezultatom 2:0. Sve je bilo gotovo nakon pola sata igre - u četvrtom minutu gol je postigla Tina Janketić, a konačan rezultat postavila Teodora Cebalović u 40. minutu.

- Prije svega, ovu utakmicu je obilježila naša dobra igra. Djevojčice su pružile veoma dobru partiju i zasluženo pobijedile. Ovakve utakmice su mnogo bitne za njihov razvoj i sticanje iskustva. Ali, i za nas u stručnom štabu je važno vidimo koliko one mogu, jer su pred njima razni razvojni turniri i, na kraju, kvalifikacije - rekao je selektor Mirko Marić.

Crna Gora igra u sastavu: I. Orahovac, Vlahović, Mozer (od 88. Rašović), A. Orahovac, Luković (od 88. Miličković), Bešović (od 46. Džankić), Cebalović (od 77. Ad. Orahovac), Balević (od 46. Tadić), Janketić (od 55. Đorđević), Damjanović, Živković (od 55. Bošković).

U posljednjem kolu turnira, u petak od 10 časova na Cetinju, Crna Gora se sastaje sa Hrvatskom.