Žalba Zete nije prošla, Čelik deklasirao Olimpiko i otišao u baraž

Udruženje klubova FSCG Centar je potvrdilo odluku Komisije za žalbe, pa su Olimpiko i Čelik preksinoć odigrali meč. Prema očekivanju, „metalurzi“ su slavili ubjedljivo sa 12:0 i tako izborili plasman u doigravanje za baraž za Drugu ligu. Samim tim, Zeta je ostala bez ostvarenog drugog mjesta u A grupi, pa će i naredne sezone igrati u trećem rangu crnogorskog fudbala.

Nakon svega, poznati su i parovi doigravanja za baraž. Zabjelo će igrati sa Ilarionom, dok će Čelik na megdan Internacionalu. Pobjednici će igrati u finalu, nakon čega će biti poznato ko će sa najboljim ekipama sjevera i juga igrati u baražu za Drugu ligu.