Bejkon i Blat podijelili MVP priznanje 32. kola Evrolige

Dvije vrhunske partije na gostovanjima obilježile su 32. kolo, a Dvejn Bejkon i Tamir Blat zasluženo su podijelili MVP priznanje, pošto su obojica završila mečeve sa indeksom korisnosti 27.

Bejkon je predvodio Dubai do ubjedljive pobjede na gostovanju protiv Bajerna rezultatom 74:87.

Amerikanac je ubacio 21 poen (8/10 za dva, 1/4 za tri, 2/2 slobodna bacanja), uz 3 skoka, 6 asistencija i 3 ukradene lopte.

Na drugoj strani, Blat je briljirao u trijumfu Makabija protiv Asvela (85:89).

Izraelski plejmejker upisao je 14 poena (1/1 za dva, 4/7 za tri), čak 13 asistencija i nijednu izgubljenu loptu.

Blatu je ovo drugi MVP kola u karijeri, dok je Bejkonu ovo drugo takvo priznanje, nakon što ga je jednom već podijelio.