Budućnost Voli izborila plasman u polufinale plej-ofa ABA lige

Budućnost Voli će igrati u polufinalu plej-ofa ABA lige.

Plasman među četiri najbolja tima, izborila je pobjedom nad Klužom u majstorici četvrtfinala - 112:81 (29:19, 26:24, 25:27, 32:11).

Do pobjede su "plavi" došli zasluženo, vodili su od prvog do posljednjeg minuta.

Od starta su diktirali ritam, bili agreisvni u odbrani, pa je u nekoliko navrata u prvom poluvremenu bilo plus 15.

Najveću prednost u prvih 20 minuta, imali su u završnici druge četvrrtine, kada je Rašid Sulajmon pogodio trojku za 55.39.

Na poluvremenu je bilo 55:43.

U nastavku, Kluž je u nekoliko navrata prilazio na minus pet, ali je Budućnost Voli u tim situacijama uvijek imala odgovor.

Sve je riješeno na startu posljednje četvrtine, tačnije u 33. minutu, kada je Zoran Nikolić pogodio za 89:70. 

Blistao je Sulajmon, koji je dao 24 poena.

Aksej Butej je dodao 21 (10 skokova), Nikolić 16, Jogi Ferel 12, a Nikola Tanasković 11.

Kod Kluža, bolji od ostalih bio je Deron Rasel sa 24 koša i šest asistencija.