Pavićević: Gledaćemo da odigramo pošteno i krajnje profesionalno do kraja

Mornar nikako da se pokrene sa te jedne pobjede, koju je ostvario novembra prošle godine protiv Cibone.

Večeras je bodove iz Bara odnijela ekipa SC Derbija, boljom igrom u drugom dijelu. 

- Želim da čestitam ekipi SC Derbija na zasluženoj pobjedi. Što se tiče utakmice, nemam šta da je prepričavam, vidjeli ste i sami. Mi smo odigrali dobrih 20 minuta u prvom poluvremenu, i onda kao da je na teren izašla neka druga ekipa. Otvorili smo drugo poluvrijeme sa tri, četiri izgubljene lopte, bez ideje u napadu, bez vraćanja u odbranu, jednostavno smo dozvolili ekipi SC Derbija da bez po muke dođe do prednosti, napravili su 8:0 ili 10:0 i onda u tim trenucima, kao i u prethodnim utakmicama, čim kola krwnu niz brdo, nemamo nijendog igrača koji može da ta kola zaustavi, organizuje nešto, odigra pametno... Od kuknjave nemamo ništa, zasluženo smo tu smo gdje smo i do kraja ćemo gledati da odigramo pošteno i krajnje profesionalno - riječi su Mihaila Pavićevića, strateg Mornara.