Popović se neće vraćati na klupu San Antonija ove sezone

Najtrofejniji trener u istoriji NBA lige Greg Popović, nastavlja oporavak od moždanog udara.

Prema informacijama ESPN-a, legendarni trener se vjerovatno neće vratiti na klupu San Antonija ove sezone.

Njegova budućnost u NBA ligi ostaje neizvjesna dok se i dalje oporavlja od moždanog udara koji je pretrpio u novembru.

Nakon što je Popovič pretrpio ono što je prvobitno opisano kao „blagi moždani udar“, Sparsi su privremeno imenovali pomoćnog trenera Miča Džonsona na mjesto glavnog trenera. 

On je do sada ostvario skor od 21 pobjede i 27 poraza.

Popovič, koji vodi Sparse od sezone 1996/97. napunio je 76 godina u januaru.

Godine 2020. oborio je prethodni rekord koji je držao Hjub Braun, koji je imao 71 godinu kada je vodio svoj posljednji meč sa Memfisa.