Šej doveo Oklahomu na korak od velikog finala

Tandersi su tako došli do 3:1 u seriji i samo ih jedna pobjeda dijeli od osvajanja titule na Zapadu i plasmana u veliko finale. Šej Gildžes-Aleksander je još jednom bio centralna figura meča. MVP ovogodišnjeg izdanja NBA lige meč je završio sa 40 poena, devet skokova i 10 asistencija. Uz njega, treba spomenuti Džejlena Vilijamsa koji je ubacio 34 poena, Čet Holmgren je postigao 21, a Karuzo 10 poena.

S druge strane, u redovima Minesote, najefikasniji je bio Nikel Aleksander-Voker sa 23 poena, Džejden Mekdenijels je imao 22, Donte Divinćenco 21, a Entoni Edvards 16 poena.