Žakelj: Čestitam igračima na cijeloj sezoni

Igrači SC Derbija su ostvarili cilj, plasirali su se u plej-of.

Poraženi su minimalno (75:74) od Igokee u Laktašima.

Odgovarao im je i neuspjeh od pet razlike, kako bi ostvarili veliki uspjeh.  

- Čestitam Igokei na pobjedi. Svi smo znali šta je ova utakmica značila i njima i nama. Bila je obostrana želja sa obje strane, ali je bilo i mnogo grešaka pogotovo kod nas. Izgubljene lopte u prvom poluvremenu, loše građenje prostora ispod koša i loš protokom lopte u napadu. Vidjela se "ukočenost", koja je bila kod nas, ali na kraju treću četvrtinu smo odigrali kako treba, pogotovo defanzivno. Mislim da smo imali skokova u napadu nego oni, ali nismo pogađali. To je dokaz želje. Cilj je bio Top 5 u drugom dijelu, to smo ostvarili, čestitam igračima na cijeloj sezoni, druga za nas u ABA ligi. Prošle godine smo bili sedmi, sada osmi, mladi su dobili šansu, tako će biti i ubuduće. U plej-ofu imamo svoje računice u četvrtfinalu, odmaraćemo sutra, a onda je fokus biti na narednim utakmicama - rekao je Andrej Žakelj, trener SC Derbijua.