Kreću bitke za Keln

Proteklog vikenda saznali smo kvartet (ĆSM Bukurešt, Đer, Mec i Brest) koji će se boriti za titulu na završnom turniru Lige šampiona za rukometašice u Budimpešti, a u narednih osam dana saznaćemo i četiri muška tima koji će za tron boriti na F4 u Kelnu.

Prvi mečevi četvrtfinala su na programu danas i sjutra, revanši su naredne srijede i četvrtka i očekuju se velike bitke.

Prva dva duela danas od 18.45 časova igraju Sporting i Olborg u Lisabonu, odnosno Pik Seged i branilac titule Magdeburg u Segedinu.

Sjutra će u istom terminu snage odmjeriti Vesprem i Fuhse Berlin, dok je od 20.45 zakazan okršpaj između Nanta i Barselone.