Rukometašice Budućnosti ubjedljive i u drugoj provjeri protiv Đorče Petrova

Nakon jučerašnjih 37:26, izabranice Zorana Abramovića upisale su još jednu ubjedljivu pobjedu u Podgorici. Najefikasnija u redovima Budućnosti bila je Ivana Godeč sa devet golova, Nina Bulatović je dala šest, Hana Vuljak, Nađa Kadović i Dunja Radević postigle su po pet, dok su po tri postigle Andrijana Popović, Đurđina Jauković i Suna Hansen. Dva puta su se u strijelce upisale Jovana Skrobić i Ivana Savić, a Maša Ulićević jednom.

Ovom utakmicom „plave“ su zaključile seriju pripremnih provjera u Podgorici, a narednog vikenda očekuje ih turnir u Koprivnici, koji će biti posljednja velika provjera pred početak nove sezone.