Alkarasu druga titula u Kvinsu i odlična uvertira za Vimbldon

Nije Karlos Alkaras dugo slavio titulu na Rolan Garosu, pošto je odlučio je da igra u Kvinsu pred nastup na Vimbldonu kako bi se što bolje privikao na travu i napravio je odličnu uvertiru za treći grend slem.

Pobjedom protiv Čeha Jiržija Lehečke - 7:5, 6:7, 6:2 kojem se revanširao za poraz u četvrtfinalu ovogodišnjeg turnira u Dohi, Alkaras je nakon 2023. godine osvojio drugu titulu u Kvinsu, petu ove sezone i ukupno 21. u karijeri.

Ujedno, Alkaras koji je u seriji od 18 pobjeda pred nastup na Vimbldonu zaostatak za vodećim Janikom Sinerom će smanjiti na samo 1.130 bodova.