Rolan Garos ima novu šampionku: Koko Gof srušila Sabalenku za titulu

Nova šampionka Rolan Garosa je Amerikanka Koko Gof, koja je u finalu nakon preokreta srušila najbolju teniserku svijeta Bjeloruskinju Arinu Sabalenku - 6:7, 6:2, 6:4 za dva sata i 38 minuta.

U ne pretjerano kvalitetnom finalu igranom po jakom vjetru Gof je malo manje griješila i domogla se druge grend slem titule, nakon što je 2023. bila najbolja na Ju-Es openu. I u Njujorku je prije dvije godine trenutno druga teniserka svijeta bila bolja od Sabalenke i sada vodi sa 6:5 u pobjedama

Pored Sabalenke, na putu do titule u Parizu Gof je savladala Oliviju Gadecki, Terezi Valentovu, Mari Buzkovu, Ekaterinu Aleksandrovu, Medison Kiz i Lois Buason.

Prvo finale 2022. godine na Rolan Garosu, Gof je izgubila od četvorostruke šampionke Ige Švjontek, ali drugo je riješila u svoju korist, Poljakinju naslijedila na tronu i podigla trofej "Suzan Lenglen".