Šćekić: Ostajemo posvećeni zajedničkom cilju - bolje zdravlje i jednak pristup zadravstvenim servisima za sve građane

- Danas kada Svjetska zdravstvena organizacija slavi 75 godina postojanja, ostajemo ujedinjeni i posvećeni zajedničkom cilju, a to je  bolje zdravlje i jednak pristup zdravstvenim servisima za sve građane- poručio je ministar zdravlja Dragoslav Šćekić.

On je kazao da Crna Gora ostaje posvećena ulaganju u zdravstveni sistem jer samo zdravo društvo može računati na prosperitet i napradak.

- Partnerski odnos i sinergija koje su okosnica našeg djelovanja, a pod vođstvom uvaženog gospodina Tedrosa Gebrejesusa daju nadu da zajedno možemo graditi svijet koji je zdravije mjesto  za sve njegove stanovnike. Uz želju da svoj angažman I dalje temelji na dobrobiti koja se mjeri svijetom koji je zdrav, čestitam jubilej SZO- zaključuje se u saopštenju.