Spajić najavio “Euro Model”: Od januara novi rast zarada, minimalne plate od 1000 do 1400 eura

I to: 1000 eura - minimalna neto zarada zaposlenih na radnim mjestima sa osnovnim i nižim obrazovanjem; 1.250 eura - za zaposlene na radnim mjestima sa srednjim obrazovanjem; 1.400 - za zaposlene na radnim mjestima sa visokim obrazovanjem. Obuhvat programa je za više od 250.000 zaposlenih.

Pored ovoga, dodatno povećanje zarada će se desiti i ukoliko socijalni partneri prihvate zahtjev Vlade da se povećanje obračunske vrijednosti koeficijenta jednako primjeni na javni i privatni sektor.

Penzije će se od 2027. usklađivati četiri puta godišnje. Aprilske prosječne penzije će porasti preko 600 eura. Minimalna penzija će preći cifru od 500 eura.

Dodatno, u decembru svaki penzioner dobija dodatnih 100 eura za zimu.

Vlada je ovaj model usvojila na današnjoj sjednici i biće proslijeđen Skupštini Crne Gore.