Nasilje nad bivšom suprugom: Kotoraninu 10 dana zatvora

Sutkinja Suda za prekršaje u Bidvi - odjeljenja u Kotoru Ivana Vukasović jutros je u hitnom postupku izrekla kaznu zatvora u trajanju od 10 dana okrivljenom  Z.K. (1983) iz Risna.

-Okrivljeni je prethodne večeri bivšoj supruzi prijetio i verbalno je vrijeđao pred maloljetnom đecom. Zbog okolnosti koje su ukazivale da okrivljeni može ponoviti prekršaj, sutkinja je odlučila da se okrivljeni odmah po izricanju odluke uputi na izdržavanje zatvorske kazne u UIKS Spuž. Okrivljenom je izrečena i zaštitna mjera uabrane približavanja bivšoj supruzi u trajanju od 6 mjeseci, koja stupa na snagu po izdržanoj kazni zatvora- naveo je Marko Đukanović predsjednik suda za prekršaje u Budvi.