Rižoto sa pečenom bundevom

Predlažemo vam za ručak kremasti rižoto sa bundevom.

Sastojci:

– 1 bundeva

– 1l vode začinjene suvim biljnim začinom

– 1 glavica crnog luka

– 2 čena bijelog luka

– 300 g pirinča

– 2 kašike sitno isjeckanog peršuna

– 100 g parmezana

– so, biber

– 1 kašika maslaca

Priprema:

Oljuštiti bundevu i isjeći je na kocke, staviti u nauljenu tepsiju, posoliti, pobiberite i peći je na 200 stepeni oko 25-30 minuta.

Dok se bundeva peče, pripremiti rižoto.

Sitno isjeckati crni i bijeli luk, pa pržiti dok ne omekša, dodati pirinač i pržiti jedan minut, a zatim dodati malo vruće vode.

Kada pirinač upije vodu opet malo dodati, povremeno miješajući na umjerenoj temperaturi.

U skuvani rižoto, dodati ispečene bundevine kocke, maslac, sitno izrendani parmezan, peršun, biber i so, po ukusu, pa lagano promiješati.